Plantun de Prouvènço

Pèr coumpara dos planto d'encò nostre

Malva moschata & Draba aizoides

Malva moschata

Malvaceae

Nom en français : Mauve musquée.

Descripcioun :
Aquesto mauvo, pas gaire coumuno au nostre, trachis dins li relarg umide en mountagno. Se recounèis à si gròssi flour roso (eici dèu èstre la varieta rosea, bessai escapado de jardin), à si fueio mai o mens retaiado, e majamen i fuioun de l'"epicalice" prim e de la loungour di sepalo.

Usanço :
Tóuti li mauvo soun manjadisso. Se manjon li jóuini racino e fueio e peréu li fru que dounon d'èr à de froumage. Tout acò èi bon pèr ajuda à caga, à toussi. Soun peréu de bon remoulissènt.

Port : Grando erbo
Taio : 30 à 120 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Malva
Famiho : Malvaceae

Coulour de la flour : Roso
Petalo : 5
Ø (o loungour) flour : 40 à 70 cm
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Prado de sègo - Champ - Ort
Estànci : Coulinen à Mountagnard
Couroulougi : Eurimediterranenco
Ref. sc. : Malva moschata L., 1753

Cauri(-fausso-sassifrago)

Draba aizoides

Brassicaceae Cruciferae

Nom en français : Drave faux-aizoon.

Descripcioun :
Aquéu cauri trachis dins li roucas e li vièii muraio de mountagno. Li flour, que se duerbon d'ouro, soun jauno, e li fuio pichoto e pelouso. Li siliculo soun peréu souvènt pelouso (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 3 à 10 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Draba
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 5 à 9 mm
Flourido : Printèms

Sòu : Ca
Autour basso e auto : 200 à 3400 m
Aparado : Noun
Mars à jun

Liò : Roucas - Muraio - Roucaio
Estànci : Mountagnard à Aupen
Couroulougi : Ouroufito-Éuropenco
Ref. sc. : Draba aizoides L., 1767

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Malva moschata & Draba aizoides

ges

Coumpara Mauvo(-muscado) emé uno autro planto

Coumpara Cauri(-fausso-sassifrago) emé uno autro planto